Top News राजनीति

माधव नेपाल समुहले नयाँ पार्टी दर्ता गर्दै, नाम र चिन्ह यस्तो हुनसक्ने

२ भदौ,काठमाडौं । नेकपा एमालेका वरिष्ठ नेता माधवकुमार नेपाल समूहले नयाँ पार्टी दर्ता गर्दै, छ ।

पार्टीको नाम नेकपा एमाले (समाजवादी) राख्ने र चुनाव चिह्न भने सूर्य नै राख्ने एक नेताले जानकारी दिए ।

एक नेताका अनुसार विकल्पमा पार्टीको नाम नेकपा एमाले (समाजवादी), नेकपा समाजवादी, नेकपा एमाले (क्रान्तिकारी), नेकपा एमाले (जनवादी), नेकपा (एकीकृत) लगायतमा कुन राख्ने भन्ने बिषयमा छलफल भइरहेको छ ।

तर नेकपा एमाले (समाजवादी) राख्ने करिब टुंगो लागेको सो पार्टीका नेताहरुले बताएका छन् ।

तर चुनाव चिह्न भने सूर्य नछाड्ने निष्कर्ष निकालेको एक नेताले जानकारी दिए ।चुनाव चिह्न सूर्यमा उदाउँदो सूर्य वा कुनै पनि सूर्य हुन सक्ने बताइएको छ ।

दल विभाजन सम्बन्धी अध्यादेश राष्ट्रपतिबाट जारी हुनासाथ निर्वाचन आयोगमा पुग्ने नेपाल पक्षको तयारी रहेको स्रोतको भनाई छ ।

Leave a Reply

Your email address will not be published.