Uncategorized

फ्रन्टलाइनमा रहँदा आफै कोरोना संक्रमित बनेका स्वास्थ्यकर्मीको प्रश्न : कता हराउँदैछ मानवता ?

कसले कस्तो व्यवहार गर्छन् मन मनै चिन्ने हो
रुदै हिँडे कायर भन्छन् हाँस्दै हिँड्ने हो ।

तीजको रमझम भर्खरै सकिएको छ । हिन्दूहरुको महान चाड तीजको अवसरमा नेपाली हिन्दु नारीहरुले वर्षदिनभरि भोगिआएका दुःख पीडालार्ई गीतको माध्यमबाट पोख्ने, आफन्त साथीसंगी भेला भएर नाचगान गर्ने, मिठामिठा परिकार बनाएर खाने गर्छन् । तर कोरोना महामारीको कारण यो वर्षको तीज त्यसअनुसार मनाउने वातावरण रहेन ।

कोरोनाभाइरसको महामारी अनि मुलुकमा निषेधाज्ञा जारी भएपछि घरभित्रै सीमित हुनुपरेको कारण यसपालिको तीजमा कतिले महामारीको पीडा, संक्रमितमाथि भएका सामाजिक तिरस्कार मिश्रित भावनालार्ई गीतमा बुने । माथिको पंक्ति पनि त्यही भावनाको अभिव्यक्ति हो, जहाँ कोरोनाभाइरसबाट संक्रमित एक स्वास्थ्यकर्मीकी श्रीमतीले आफ्ना भावनालाई तीजमा गीतको माध्यम पोखिन् । कोरोनाभाइरसबाट जोकोही संक्रमित हुन सक्छन्, संक्रमितलार्ई सामाजिक तिरस्कार र अपहेलना होइन माया, सद्भाव, हौसला र हेरविचारको जरुरत पर्छ भन्ने सन्देश दिइन् उनले गीतमार्फत् ।

बागलुङ अमलाचौरका देवप्रकाश घिमिरेकी श्रीमतीले गाएको यो गीत कुनै दुश्मनकाविरुद्ध लक्षित थिएन । त्यो कोरोनाभाइरसबाट संक्रमित हुँदा समाजले देखाएको कटु र दुर्भाग्यपूर्ण व्यवहारका विरुद्ध सम्यक जवाफ थियो । समस्याको समाधान सकारात्मक तरिकाबाट हुनुपर्छ भन्ने सन्देश दिन खोजेकी थिइन् उनले ।

फेरि तिमीलार्ई  एकपटक सम्मान गर्छु, तिमी घृणा लिएर आऊ म फूल लिएर आउँछु

तिमी तिरष्कार लिएर आऊ म सेवा लिएर आउँछु, तिमी सेवा लिएर जाऊ र मलार्ई बहिष्कार गर

म फेरि एकपटक तिमीलाई सम्मान गर्छु, तिमी पत्रकार बनेर आऊ र मेरो विरुद्धमा लेख

म सेवा लिएर आउँछु र तिम्रो उपचार गर्छु, तिमी हतियार लिएर आऊ र मेरो बाटो छेक

म औजार लिएर आउँछु र तिम्रो परीक्षण गर्छु, तिमी सेवा लिएर जाऊ र मलार्ई बदनाम गर

म फेरि एकपटक तिमीलाई सम्मान गर्छु, रोग लिएर आयौ र सेवा लिएर गयौ

तिम्रै घरको कोठाबाट मलार्ई निकाल्यौ, अरु त के पो गर्न सक्थ्यौ र सकेको गर्यौ

म फेरि तिमीलाई एकपटक सम्मान गर्छु, मलार्ई थाहा छ मलार्ई खतरा तिमीबाट छ

मलार्ई थाहा छ तिमीमा मनवीयता हराएको छ, तर मलार्ई तिम्रो रोग र मनवीयताभन्दा

तिम्रो जीवन प्यारो छ त्यसकारण, फेरि तिमीलाई एकपटक सम्मान गर्छु ।।

केही दिन अगाडिको राजधानी काठमाडौंस्थित बानेश्वरको एक होस्टलमा क्वारेन्टिनमा बसेका चिकित्सकमाथि ‘स्थानीयको नाममा एक हुल भीड’ले हुलहिज्जर विरोध गरेको खबर प्रकाशमा आयो । वास्तवमा, त्यो व्यवहार अमानवियताको पराकाष्ट थियो । जो,आफ्नो जिउज्यानको बाजी लगाएर विरामीको सेवामा अझ कोरोना संक्रमितको सेवामा दिनरात नभनी खटिएका छन् उनीहरुमाथि भएको यस्तो व्यवहारले समाजको मनोविज्ञान र २१औं शताब्दीका हामी कतातिर जाँदै छौं भन्ने प्रष्ट हुन्छ ।

कोरोना संक्रमित भएको थाहा पाएपछि गाउँसमाजले देखाएको ब्यवहारबाट दुःखी भएका देवप्रकाश घिमिरेले फेसबुकमा यस्तो पोष्ट गरे । तोप थापाको यो कविता पोष्ट गरेसँगै उनीमाथि सान्त्वना र हौसलाको वर्षा त भयो । तर, प्रकाश र उनका परिवारलार्ई ‘बिहेका जन्ती र मर्दाका मलामी’ मानिने छिमेकले गरेको तिरस्कार र घृणाले पारेको असर कहाँ मेटिन्थ्यो र ! कोरोनाभाइरसबाट संक्रमित भएकाको हेरचाह र रेखदेखमा खटिएका उनै स्वास्थयकर्मी देवप्रकाशलार्ई संक्रमण भएको थाहा हुँदा छरछिमेकको व्यवहार यस्तो हुन्छ भने अन्य सामान्य व्यक्तिमा संक्रमण हुँदा के होला अवस्था ?

०००

केही दिन अगाडिको राजधानी काठमाडौंस्थित बानेश्वरको एक होस्टलमा क्वारेन्टिनमा बसेका चिकित्सकमाथि ‘स्थानीयको नाममा एक हुल भीड’ले हुलहिज्जर विरोध गरेको खबर प्रकाशमा आयो । वास्तवमा, त्यो व्यवहार अमानवियताको पराकाष्ट थियो । जो,आफ्नो जिउज्यानको बाजी लगाएर विरामीको सेवामा अझ कोरोना संक्रमितको सेवामा दिनरात नभनी खटिएका छन् उनीहरुमाथि भएको यस्तो व्यवहारले समाजको मनोविज्ञान र २१औं शताब्दीका हामी कतातिर जाँदै छौं भन्ने प्रष्ट हुन्छ । त्यसै गरी देवप्रकाश पनि त्यस्तै कुराको शिकार बनेका एउटा उदाहरण हुन् ।

०००

महामारी फैलिएसँगै चिकित्सक र चिकित्सा सेवाप्रति आम नागरिकको भरोसा अडिएको छ । विश्वभर चिकित्सकको मनोबल बढाउन आम नागरिकले निभाएका भूमिकाको निकै चर्चा हुने गरेको छ । भाइरसको उद्गमस्थल चाइनाको ऊहानमा आम नागरिकले चिकित्सकलाई गरेको सम्मानले विश्वमै चर्चा बटुल्यो । यो सव ट्वालट्वाल्ती नियालिरहेका नेपालीको व्यवहारले भने स्वास्थ्यकर्मीहरुको भरोसा टुटेको छ र उनीहरुमा निराशा बढ्दै गएको पाइएको छ ।

वास्तवमा कोरोनाका बारेमा जनमानसमा परेको भ्रामक त्रासको निदान सरकारले गर्न सकिनरहेको  कुराको प्रतिविम्बन पनि हो त्यो ।

चितवनमा चिकित्सकको घरमा ‘कोरोना संक्रमित’ लेखिएको ब्यानर टाँग्न लगाउने समाज अनि देशका थुप्रै स्थानमा स्वास्थ्यकर्मीमाथि भएका अपमानका घटनाहरूले हाम्रो सोच र हाम्रो सामाजिक चेतलार्ई छरपस्ट पारिदिएको छ । राज्यबाट भरपुर साथ, आडभरोसा नपाउनु अनि नागरिकबाट अपहेलित हुनुपरेपछि वीरगञ्जस्थित नारायणि अस्पतालका चिकित्सकहरुले सामूहिक राजिनामा दिए । भलै त्यो फिर्ता भएको छ । त्यसैगरी, वीरगंजका विभिन्न अस्पतालमा कार्यरत अन्य ३५० चिकित्सकहरुले पनि पर्साका प्रमुख जिल्ला अधिकारी समक्ष राजीनामा बुझाए । महामारीले गाँज्दै लगिरहेको अहिलेको अवस्थामा स्वास्थ्यकर्मीहरुको मनोबल बढाउन सवैले साथ दिनुपर्ने हो तर उनीहरुमाथिनै भएका अपमानजनक क्रियाकलापले फ्रन्टलाइनरमा निराशा उत्पन्न गराएको छ ।

देवप्रकाश पेशाले स्वास्थ्यकर्मी हुन् । विगत १८ वर्षदेखि स्वास्थ्य क्षेत्रमा क्रियाशील देवप्रकाश गतवर्षबाट बागलुङस्थित धौलागिरी अञ्चल अस्पतालमा हेल्थ असिस्टेन्टको रुपमा कार्यरत छन् ।

Leave a Reply

Your email address will not be published. Required fields are marked *