राजनीति

वैशाखमा चुनाव भए अर्को असंवैधानिक र अलोकतान्त्रिक कदम हुनेछः प्रचण्ड

काठमाडौं । नेकपा प्रचण्ड-नेपाल समूहका अध्यक्ष पुष्पकमल दाहाल (प्रचण्ड) ले वैशाख १७ र २७ गते सरकारले तोकेको निर्वाचन नहुनेमा आफू विश्वस्त रहेको बताएका छन् ।

अदालतबाट प्रतिनिधिसभा पुनःस्थापना हुने विश्वास आफूहरूलाई रहेको उनको भनाइ छ ।

नेपालमा कार्यरत विदेशी मिडियाका प्रतिनिधिहरूसँग कुराकानी गर्दै प्रचण्डले भने, ‘हामी विश्वस्त छौं कि चुनाव हुँदैन, प्रतिनिधिसभा पुनःस्थापना हुन्छ । यदि केपी ओलीले घोषणा गरेको चुनाव हुने भयो भने त्यो अर्को असंवैधानिक र अलोकतान्त्रिक कदम हुनेछ ।’

प्रचण्डले ओली र आफूहरूबीचको विवादलाई कुर्सीको लडाइँका रूपमा नबुभिदिनसमेत अन्तर्राष्ट्रिय समुदायलाई आग्रह गरेका छन् ।

माधव नेपाल र आफूबीच ४० वर्षदेखि सहकार्य रहेकाले ओलीसँग जस्तो विभाजन नआउने विश्वास समेत उनले व्यक्त गरे ।

उनले केपी ओली र आफूहरुलाई एकै रूपमा तुलना नगर्नसमेत आग्रह गरेका छन् । 

Leave a Reply

Your email address will not be published. Required fields are marked *