पालिका खबर

चितवन राष्ट्रिय निकुञ्जमा गैंडा र बाघ मृत फेला

भरतपुर । चितवन राष्ट्रिय निकुञ्जको अमलटारी क्षेत्र अन्तर्गत निकुञ्जको मुख्य क्षेत्रमा भाले गैंडा मृतावस्था फेला परेको छ । निकुञ्जको शहरी क्षेत्रमा पर्ने नारायणी नदीको कलकत्ता टापुमा करीब ३० वर्षीय भाले गैंडा मृत फेला परेको हो ।

निकुञ्जका सूचना अधिकारी लोकेन्द्र अधिकारीले सेहरी क्षेत्रमा दुईवटा भाले गैंडा जुधेर घाइते हुँदा एउटा गैंडा मरेको जानकारी दिए । उनका अनुसार यही फागुन २४ गते उक्त गैंडा मृतावस्थामा फेला परेको थियो । मृतावस्थामा भेटिएको गैंडाको खाग र खुर सुरक्षित रहेकोसहायक संरक्षण अधिकृत समेत रहेका उनले बताए ।

चालू आर्थिक वर्ष २०७७/७८ मा निकुञ्जमा २२ प्राकृतिक र चार चोरी शिकारीले गैंडा मरेका थिए । हरेक पाँच वर्षमा हुँदै आएको राष्ट्रिय गैंडा गणना यस वर्ष आगामी चैत ९ गतेदेखि हुने जनाइएको छ । गैंडा गणनाको तयारी सुरु भइसकेको छ ।

निकुञ्जमा पाटे बाघसमेत मृतावस्थामा फेला परेको निकुञ्जले जनाएको छ । निकुञ्जका सूचना अधिकारीका अनुसार यही फागुन २३ गते सौराहा क्षेत्रमा पर्ने निकुञ्जको मुख्य क्षेत्र चपरचुली खहरे खोलामा करिब चार वर्षीय पाटेबाघ मृतावस्थामा भेटिएको हो । प्राकृतिक कारणबाट मरेको सो पाटेबाघको लिंग पहिचान हुन नसकेको निकुञ्जले जनाएको छ । चालू आव २०७७/७८ मा निकुञ्जमा मृत्यु भएको यो पहिलो पाटेबाघ हो ।

Leave a Reply

Your email address will not be published.