राजनीति

पार्टी सुदृढीकरणका लागि माओवादी केन्द्रले बनायो कार्यदल

काठमाडौं । नेकपा माओवादी केन्द्रले पार्टीपंक्ति सुदृढीकरणकाृ कार्ययोजनाका लागि ४ सदस्यीय कार्यदल तयार गरेको छ ।

सर्वोच्चको फैसलापछि एमाले र माओवादी दुवै पार्टी ब्युँतिएको अवस्थामा पार्टीको संरचनागत पुनर्गठन, जनवर्गीय संगठनको नेतृत्व हेरफेर र नयाँ सदस्य आकर्षणलगायतका काम गर्न गिरिराजमणी पोखरेल, वर्षमान पुन, पम्फा भुसाल र जनार्दन शर्मारहेको कार्यदल तयार गरेको हो ।

पार्टी कार्यालय पेरिसडाँडामा केहीबेरअघि सकिएको स्थायी कमिटी बैठकले नयाँ सरकार गठनका लागि नेपाली कांग्रेस र जनता समाजवादी पार्टीसँग थप छलफल गर्ने निर्णय गरेको नेता नारायणकाजी श्रेष्ठले जानकारी दिए ।

बैठकमा मंगलबार जसपा र कांग्रेस नेतृत्वसँग भएको छलफलबारे अध्यक्ष पुष्पकमल दाहाल ‘प्रचण्ड’ ले जानकारी गराएका छन् ।

Leave a Reply

Your email address will not be published. Required fields are marked *