स्वास्थ्य

राष्ट्रपतिले लगाइन् कोभिडविरुद्धको खोप

काठमाडौं । राष्ट्रपति विद्यादेवी भण्डारीले सोमबार कोभिड-१९ विरुद्धको खोप लगाएकी छिन् । स्वास्थ्य मन्त्रालयले विज्ञप्ति जारी गर्दै राष्ट्रपतिले खोप लगाएको जनाएको छ ।

महाराजगञ्जस्थित शिक्षण अस्पताल पुगेर राष्ट्रपतिले कोभिसिल्ड खोप लगाएकी हुन् । अग्रपंक्तिमा रहेर काम गर्नेहरु र जोखिममा रहेका समूहहरुलाई प्राथमिकतामा राखेर खोप कार्यक्रम संचालन गरेकोमा राष्ट्रपतिले सरकारलाई धन्यवाद दिइन् ।

साथै उनले ज्येष्ठ नागरिकलाई ढुक्क भएर खोप लगाउन आग्रह गरिन् । राष्ट्रपतिले खोप लगाउने कार्यक्रममा स्वास्थ्यमन्त्री हृदयेश त्रिपाठी पनि सहभागि थिए ।

Leave a Reply

Your email address will not be published. Required fields are marked *