Featured Slider अर्थ

राष्ट्रपतिद्वारा सवा १६ खर्बको बजेटमा लालमोहर लगाइयो

काठमाडौं,१५ जेठ । सवा १६ खर्बको बजेटमा राष्ट्रपति विद्यादेवी भण्डारीले लालमोहर लगाउनुभएको छ ।

राष्ट्रपति भण्डारीले केही समय अघि अध्यादेशमार्फत ल्याउन लागिएको बजेटमा लालमोहर लगाउनुभएको हो ।

अर्थमन्त्री बिष्णु पौडेलले आज ४ बजे आर्थिक वर्ष २०७८र७९ को बजेट सार्वजनिक गर्दै हुनुहुन्छ । सरकारले आगामी आर्थिक वर्षमा ८ प्रतिशतको हाराहारीमा आर्थिक वृद्धिदर हासिल हुने गरी बजेट तयार पारेको छ । सरकारले आगामी आर्थिक वर्षमा ८ देखि ९ प्रतिशतसम्म आर्थिक वृद्धिदर हुने अनुमान अर्थ मन्त्रालयले गरेको छ ।

राष्ट्रपतिबाट जारी भएको बजेट अध्यादेश राजपत्रमा प्रकाशित नगर्दै अर्थमन्त्री पौडेलले सिंहदरबारबाट वाचन गर्ने कार्यक्रम रहेको छ । अर्थमन्त्रालय स्रोतका अनुसार चालु आर्थिक वर्षको भन्दा १० प्रतिशतको हाराहारीमा बजेटको आकार बढाइएको छ ।

Leave a Reply

Your email address will not be published. Required fields are marked *