Top News राजनीति

नेपाल- खनाल पक्षको स्थायी कमिटी बैठक आज पनि बस्ने

काठमाडौं,२२ जेठ। नेकपा एमालेका वरिष्ठ नेता झलनाथ खनाल र माधवकुमार नेपाल पक्षको स्थायी कमिटी बैठक आज शनिबार बस्दै छ।

प्रधानमन्त्री एवं पार्टी अध्यक्ष केपी ओलीले सरकारमा राजपालाई भित्र्याएर ब्यापक रूपमा मन्त्रिपरिषद् हेरफेर गरेको भोलिपल्ट आज बैठक बस्न लागेको हो। बैठक अपराह्न १ बजे बस्ने एक स्थायी कमिटी सदस्यले जानकारी दिए।

यसअघि समूहको केन्द्रीय कमिटी बैठक बिहीबार र शुक्रबार बसेको थियो। भर्चुअल बैठकले अध्यक्ष ओली पक्षसँग वार्ताको ढोका खुल्ला राख्ने तर वार्ता धेरै नलम्ब्याउने निचोड निकालेको थियो।

बैठकमा कसरी अघि बढ्ने भन्ने विषयमा छलफल हुने जनाएको छ।

ओली पक्षले वरिष्ठ नेताद्वय नेपाल र झलनाथ खनालसहित १२ जनालाई पार्टीको साधारण सदस्यसमेत नरहने गरी कारबाही गरिसकेको छ।

Leave a Reply

Your email address will not be published.